Finlandiyanın ali təhsil sistemi Avropadakı bəzi universitetlərə nisbətən gənc olsa da, amma keyfiyyəti heçdə onlardan geri qalmır. Dünyada 102-ci yerdə olan Helsinki Universitetinin rəhbərlik etdiyi QS World University Rankings 2018-də Finlandiyanın 10 universiteti var idi.

Dünyanın ən yaxşı 300 universiteti sırasında yer alan Finlandiyanın ilk beş universiteti  ilə tanış olaq:

1. Helsinki Universiteti

Helsinki Universiteti 1640-cı ildə qurulan Finlandiyanın ən qədim universitetidir. 1829-cu ildən bu yana Fin paytaxtında yerləşir, lakin bundan əvvəl o, Kral Akademiyası kimi tanınırdı və ölkənin ən qədim yaşayış məskəni olan Turku-da yerləşirdi. Bu gün Helsinki Universiteti Finlandiyanın dünyada ən yüksək səviyyədə 102-ci yerdə qərarlaşan universitetidir. Ən qədim və ən yüksək yerdə olmaqla yanaşı, universitet də 32.000-dən çox tələbənin təhsil aldığı Finlandiyanın ən böyük ali təhsil müəssisəsidir. 11 fakültə və 11 tədqiqat institutu var və Fin, İsveç və İngilis dillərində tədris həyata keçirir.

Vebsaytı: https://www.helsinki.fi/en

2. Aalto Universiteti

Paytaxtda yerləşən Aalto Universiteti, Finlandiyanın ən yüksək sıradakı ikinci təhsil müəssisəsidir. Universitet 2010-cu ildə  üç universitetin, yəni Helsinki Texnologiya Universitetinin, Helsinki İqtisadiyyat Məktəbinin və Helsinki İncəsənət və Dizayn Universitetinin birləşməsi nəticəsində qurulmuşdur. Finlandiya hökumətinin məqsədi yenilik nümunəsi və keyfiyyətli təhsil rəmzi olacaq yeni bir universitet yaratmaq idi. Bu gün burada 17,500-ə yaxın tələbə təhsil alır.

 Vebsaytı: https://www.aalto.fi/en

3. Turku Universiteti

Finlandiyanın üçüncü ən böyük universiteti, 20 mindən çox tələbənin təhsil aldığı Turku Universitetidir. Dünyada 276-cı sırada yer alan universitetin əsas kampusu Finlandiyanın cənub-qərbində, Turku da yerləşir. 22040 vətəndaşın verdiyi ianələrdən sonra Turku Universiteti 1920-ci ildə quruldu. Beynəlxalq əməkdaşlıqlara diqqət ayırır və digər ölkələrin universitetləri ilə ortaq bir neçə magistr və doktorluq proqramları təklif edir.

 Vebsaytı: https://www.utu.fi/en

4. Jyväskylä Universiteti

Jyväskylä Universiteti 1934-cü ildə quruldu. Dünyada ortaq 357-ci sırada yer alan universitet altı fakültədə 15.000-dən çox tələbəyə təhsil verir. Universitet müəllim hazırlığı irsini qoruyub saxlayır, ölkənin təhsil proqramları üzrə aparıcı universiteti hesab olunur. Bu, Jyväskylä Universitetini təhsil və təlim sahəsində dünyanın ən yaxşı 100 universiteti sırasına daxil edən QS Dünya Universitetləri Reytinqində də əksini tapmışdır.

 Vebsaytı: https://www.jyu.fi/en

5. Şərqi Finlandiya Universiteti

Beşinci ən yüksək dərəcəli Finlandiya Universiteti, Şərqi Finlandiya Universiteti hazırda dünyada 451-460-cı yerdədir. 2010-cu ildə Joensuu Universiteti və Kuopio Universitetinin birləşməsi yolu ilə qurulmuşdur. Bu gün universitetin dörd fakültəsində 15 mindən çox tələbə təhsil alır. Tədqiqat üçün yaxşı bir nüfuza sahib olan Şərqi Finlandiya Universiteti geniş xarici tərəfdaş şəbəkəsinə malikdir və tez-tez beynəlxalq layihələrdə iştirak edir.

Vebsaytı: https://www.uef.fi/en

Finlyandakı daha beş universitet QS Dünya Universitetləri Reytinqində yer alır, hamısı qlobal ilk 550 sırada yer almışdır. Bunlar: Tampere Texnologiya Universiteti (380-ci yer), Lappeenranta Texnologiya Universiteti (501-550), Oulu Universiteti ( 411-420), Abo Akademi Universiteti (501-550) və Tampere Universiteti (551-600).